د حاجیانو د هوساینې لپاره د ډیجیټل خدماتو او مصنوعي ذکاوت او ذهانت کارول

ایکنا -  د سعودي عربستان اړونده چارواکو وئيلي دي ، د راتلونکي حج موسم  لپاره ئې یو پراخ عملیاتي پلان جوړ کړی چې جزئیات به ئې ډېر ژر اعلان شي. دا پلان د مصنوعي ذکاوت( آرټیفیشل اینټلیجنس)، هوښیارو ټیکنالوژیو او ډیجیټل پلیټفارمونو پر اساس دی چې د  حاجیانو او زیارتوالو  د هوساینې لپاره ډیزاین شوی دی.

ایکنانیوز د جي نیوز په حواله راپور راکړی، دا پلان به نن یعني پنجشنبې ناوخته  د حرمین شریفین د عمومي ریاست لخوا اعلان شي. دا پلان د حاجیانو پر چورلیزوب  متمرکز دی او هدف ئې د میلیونونو  حاجیانو او زائرانو هرکلی دی.

دغه پلان د مصنوعي ذکاوت او هوښیارو ټیکنالوژیو له لارې د حج د سفر لوړولو هڅه کوي. د حرمین شریفین ادارې په خپل رسمي ایکس ټولنیز چینل کې ویلي چې دا پلان د حج په تاریخ کې د تر ټولو پراخه ډیجیټل خدماتو ټولګه پیلوي، لکه:

مناره ۲ رباټ: د مصنوعي ذکاوت دویم نسل رباټ چې په څو ژبو کې د زائرانو خدمت او لارښوونه کوي. په څو ژبو مشتمل سمارټ لټونکی (سرچ) په مهمو ځایونو کې د معلوماتو او مرستې لپاره نصب شوي. ډیجیټل قرآني پلیټفارم: د نړیوالو حاجیانو او زیارتوالو  لپاره د قرآن د تلاوت او زده‌کړې لپاره.د   فاتحې سورې  اپلیکیشن: یو څو ژبنی اپلیکیشن چې د قرآن د یوې مشهورې سورې د پوهې لپاره دی.

ت خصصي نوښتونه: پروګرامونه چې دحاجیانو او زیارتوالو  د ډولوالي  له  منظر سره سم دیني، فکري او تعلیمي ملاتړ چمتو کوي.

4280668